Соңғы секундқа дейін
Жаңа асуларды бағындыру
Уақыт заңынан аттап өтіп, механика мүмкіндігін меңгеру. Мінсіз траекторияны анықтау үшін тәуекелді бақылау және жеңіске жету. Rolex — аңызға айналған төзімділік чемпионаттарының, әйгілі шаралардың және автоспорттағы аса көрнекті тұлғалардың негізгі серіктесі.
Ле-Манның 24 сағаты, автоспорттағы ең ескі төзімділікті сынау жарысы
Ле-Манның 24 сағаты жарысы автоспорттағы төзімділік пен шеберлікті дәріптейді. Атақты Circuit de la Sarthe жолына қарайып түн келген кезде, бұл жарыс әр жүргізушінің дағдысы мен шыдамдылығын тексереді. 1923 жылы алғаш өткен бұл шараға екі жүргізушіден тұратын 33 команда қатысты. Бүгінгі таңда әрқайсысында үш жүргізушісі бар 60-тан астам көлік бірінші келуге ұмтылады, өйткені ірі өндірушілер мен жеке командалар өздерінің технологиялық тәжірибесін көрсеткісі келеді. 2001 жылдан бастап Rolex осы керемет жарыстың эксклюзивті негізгі серіктесі және ресми сағаты болып саналады, ол бірінші болып жетістікке жететін жүргізушілердің күш-жігерін атап өтеді.
Rolex 24 At DAYTONA, аңызға айналған трасса, эпикалық жарыс
Флоридадағы 5,73 километр (3,56 миль) Daytona International Speedway трассасында ең мықты жүргізушілер мен командалар 24 сағат бойы жарысады. Ең шыдамды және механикасы мен техникасы жағынан ең мықтылары ғана жеңе алады. Рейтинг берілген уақыт ішінде жүріп өткен қашықтыққа негізделеді. Rolex — 1992 жылдан бері бұл шараның титулдық демеушісі және ресми сағаты.
Себрингтің 12 сағаты, қысым жағдайында нәтижеге жету
1952 жылы Америка Құрама Штаттарында құрылған Себрингтің 12 сағаты жарысы әлемдегі ең қиын төзімділік жарыстарының бірі ретінде белгілі. Sebring International Raceway трассасы тегіс емес әрі бұдырлы, бұл көліктің қаншалықты сенімді екенін шынайы көрсетеді. Дәл осы жерде наурыз айында Ле-Манның 24 сағаты жарысына көптеген бәсекелестер автокөліктерінің механикалық беріктігін сынауға келеді. Rolex — бұл жарыстың ресми сағаты.
Бренд төзімділік жарысының үштік тәжін құрайтын осы үш әйгілі шараның әр жеңімпазына Cosmograph Daytona сыйлығын табыстайды.
Уақыт сынынан өткен сенімділік
Rolex төзімділік жарысындағы ең маңызды ұйымдармен серіктес болып бірге қызмет жасайды. 2001 жылдан бері бренд Ле-Манның 24 сағаты жарысын өткізетін және халықаралық спорт автокөлік жарыстарының ең үлкен сериясы FIA төзімділік бойынша әлем чемпионатын (WEC) бақылайтын Automobile Club de l’Ouest (ACO) автомобиль клубына қолдау көрсетеді.
Прогресс механикасы
Азырақ шығынмен жақсырақ нәтижеге жету. Бұл қазіргі уақытта жарыс командалары мен өндірушілердің алдында тұрған екі жақты спорт пен экологияға қатысты сынағы: өнімділік шегін әрі қарай кеңейте отырып, энергия тиімділігіне қол жеткізу. Rolex әрқашан прогрестің серпінін ұстанады және осы терең өзгерісте авто спортты қолдайды.
Ле-Ман аңызы Том Кристенсен
Ле-Манның 24 сағаты жарысында тоғыз рет жеңіске жеткен Том Кристенсен — 2010 жылдан бері Rolex компаниясының серіктес қолдаушысы және жарыс тарихында нағыз жетістікке жеткен жүргізуші. Ол 1997 жылы алғаш рет жеңіске жетті және 2000 жылдан 2005 жылға дейін үздік болды. Даниялық спортшы 2008 және 2013 жылдары тағы да екі рет жеңіске жетті. Кристенсен 18 жарысқа қатысып, 15 рет жеңіс тұғырынан көрінді. Сонымен қатар, оның қызмет тізімінде 2013 жылы FIA төзімділік бойынша әлем чемпионатының (WEC) титулы мен Себрингтің 12 сағаты жарысында алты жеңісі бар.
Болашақтың жүргізушісі Джейми Чэдуик
Джейми Чэдуик 2015 жылы Силверстоун 24 сағаты жарысында жеңіске жеткен кезде әлі 16 жасқа толмаған еді. Британдық GT чемпионатының алғашқы әйел чемпионы және әйелдерге арналған барлық W-Series (Formula 3) турнирінің үш дүркін жеңімпазы Чэдуиктен автоспорттың болашағын көруге болады. Ол 2022 жылдан бері Rolex серіктес қолдаушысы, 2025 жылы Еуропалық Ле-Ман сериясында жарысып, дебюттік маусымда жарыс жеңістеріне қол жеткізді.
Қайта оралу