2025 жылғы жаңа сағаттар
Rolex Oyster Perpetual
Жаңа көрініс
Нәзік лаванда түсі, жылы қызғылт сарғыш түс және балғын пісте тәріздес жасыл түс. Oyster Perpetual моделі бұл жолы жұмсақ реңкті түстерді, ерекше лакталған және тегіс, күңгірт өңделімі үйлесетін түстер гаммасындағы жаңа циферблаттарды ұсынады.
Rolex жайлы, жұмсақ көмескі реңктерде лакталған беттердің алуандығы мен өзіндік ерекшелігімен таң қалдыратын Oyster Perpetual сериясын кеңейтіп жатыр.
Лаванда түсті, қоңыр-сарғыш немесе пісте түсті лакталған циферблаттар күңгірт өңделімі бар деп те сипатталады – бренд каталогында бұрын болмаған комбинация.
Лаванда түсті лакталған күңгірт циферблат Oyster Perpetual 28 моделінде ұсынылды және қоңыр-сарғыш лакталған күңгірт циферблат Oyster Perpetual 36 моделінде ұсынылды. Пісте түсті лакталған күңгірт циферблат Oyster Perpetual 41 моделін безендіреді, сонымен қатар жаңартылған Oyster корпусы және жіңішке Oysterclasp түймелігі жаңартылды.
Oyster Perpetual 28 моделі 2232 калибрімен жабдықталған, ал Oyster Perpetual 36 және Oyster Perpetual 41 модельдерінің екеуі де 3230 калибрімен жабдықталған. Бұл екі механизм сағаттарды, минуттарды және секундтар тәрізді сағат жасау технологиясының алдыңғы қатарында тұратын маңызды функцияларды қамтамасыз етеді.
Oyster сағатының болмысы
Oyster Perpetual сериясындағы сағаттар - Rolex компаниясы өз беделін 1926 жылдан бері құрған әлемдегі алғашқы суға төзімді қол сағаты, түпнұсқа Oyster моделінің ұрпақтары. Бұл сағаттар Oyster Perpetual коллекциясының барлық негізгі ерекшеліктерімен – керемет хронометриялық дәлдік, суға төзімді Oyster корпусы және Perpetual роторы арқылы автоматты түрде құлағынан бұрап қозғалу функцияларымен жабдықталған. Сәнді өңделген Oystersteel болатынан ғана жасалған қоспасыз пішінді хронометрлік қол сағаттарды ұсынады. Бұл классикалық модельге тән сағат әрдайым жетілдіру үстінде болды және бірте-бірте сағат брендінің техникалық инновацияларын игерді. Ал циферблаттардың тұрақты жаңарып тұратын дизайны мен өзгеретін түстері Oyster Perpetual әрқашан жаңа және заманауи сағат болуына мүмкіндік береді.
Oyster корпусы, суға төзімділік символы
Oyster Perpetual 28, Oyster Perpetual 36 and Oyster Perpetual 41, диаметрі тиісінше 28 мм, 36 мм және 41 мм модельдерінің Oyster корпусы беріктік пен талғампаздықтың үлгісі және 100 метр (330 фут) тереңдікке дейін судың өтпеуіне кепілдік береді. Ортаңғы корпусы Oystersteel тұтас блогынан жасалған және дөңес, жылтыраған безельдің тәжі кигізілген. Екі есе суға төзімді жүйемен жабдықталған Twinlock бұрамалы бастиегі корпусқа берік бұрандалады. Кристал іс жүзінде сызатқа төзімді жақұттан жасалған және қос антибликті қаптаумен ерекшеленеді. Суға төзімді Oyster корпусы механизм орналасқан орында оңтайлы қорғанысты қамтамасыз етеді.
2232 және 3230 калибрі
Oyster Perpetual 28 моделі 2232 калибрімен жабдықталған; Oyster Perpetual 36 және Oyster Perpetual 41 модельдері 3230 калибрімен жабдықталған. Rolex компаниясы толығымен әзірлеген және жасаған технологияның үздік көрсетілімі, осы автоматтық зауыты бар механикалық механизмдер дәлдік, қуат қоры, ыңғайлы және сенімді болуы жағынан керемет жұмыс өнімділігін ұсынады.
2232 және 3230 калибрі Perpetual роторы арқылы автоматты түрде құлағынан бұрау жүйесімен жабдықталған. Біріншісі шамамен 55 сағат қуат қорын ұсынады. Бөшке тәріздес құрылымы мен түсіру механизмінің жоғары тиімділігі арқасында, екіншісінің қуат қоры шамамен 70 сағатқа дейін жетеді.
Oyster білезігі
Oyster Perpetual сериясының сағаттарында Oyster білезігі жабдықталған. 1930 жылдардың саңында әзірленген, бұл үшқатарлы түйіннен тұратын металл білезік өзінің беріктігімен танымал.
Бұл сағат бұйымдары Oystersteel болатынан жасалған және жиналмалы Oysterclasp түймелігі жабдықталған. Сонымен қатар, пайдаланушыға білезік ұзындығын 5 мм дейін реттеуге мүмкіндік беретін Rolex жасаған Easylink жайлы ұзарту түйіні бар.
Superlative Chronometer сертификациясы
Барлық Rolex сағаттары тәрізді, Oyster Perpetual 28, Oyster Perpetual 36 және Oyster Perpetual 41 модельдерінде Rolex 2015 жылы қайта бекіткен Superlative Chronometer сертификаты бар. Бұл белгі брендтің шеберханаларынан шыққан барлық сағаттардың Rolex өз зертханаларында өз өлшемдеріне сәйкес жүргізілген бірқатар сынақтардан сәтті өткенін растайды және механизмдер Хронометрлерге ресми сынақ жасайтын швейцариялық институтта (COSC) ресми сертификациядан өтеді. Компания сертификация сынақтарын дәлдік, қуат қоры, су өткізбеушілік, автоматты түрде құлағынан бұрау тәрізді білектегі сағаттың жоғары өнімділікке кепілдік беріп, механизмді корпусқа орнатқаннан кейін толық құрастырылған сағатқа жасайды. Rolex Superlative Chronometer (дәлдігі жоғары хронометр) жүрісінің дәлдігі тәулігіне -2/+2 секунд тәртібінен тұрады. Бұл дайын сағаттар үшін бренд рұқсат ететін жылдамдық ауытқуы қозғалысты ғана ресми сертификаттау үшін COSC мақұлдаған стандарттан айтарлықтай аз.
Superlative Chronometer мәртебесінің символы жасыл мөрді білдіреді, ол Rolex-тің әр сағатына қосылады және халықаралық бесжылдық кепілдіктікпен бірге жүреді.
Қайта оралу